Confidently Job interview ko face karne ke 6 tips

Ek research ke mutabik interviewers pehle 4 minute me deside kar lete hai ki wo candidate ko select karenge ye nahi. Iska matlab hai ki aap kaise dikhte hai, kaise interviewer ko treat karte hai, kaise baithate hai. Ye sab chije sabse jyada important hai baki sab chijo se. 4 minute me interviewer aapko kaise judge karte hai ? or aap kaise apna interview successfully de sakte hai ye aaj hum janege. Isme main aapke sath 6 tips share karunge ki kaise aap confidently interview de sake. 

Sabse pehle to aap ye baat jaan le ki confidence yani aatmviswas ka matlab ye nahi hai ki aap sabse behtar hai or baki bekar hai. Ye ego hota hai. Dusro se compare karna nahi, confidence aapke apne bare me hai. Khud par bharosa karne ke bare me hai. To aaiye jane ki aap kaise confident feel kar sake, confident dikh sake or confidentaly aap interview de sake..

1. Balanced Diet - संतुलित आहार

Ab aap socenge ki khane ka confidence ke sath kya relation hai ? Actually bahut gehra rishta hai. Confidence aapki bhawnao se juda hua hai or aapki feeling ya bhawnaye aapke dimag se judi hui hai or aapka dimag aapke shrir se juda hua hai. To agar aapne khana nahi khaya ya bahut jyada kha liya ya ulta-sidha kha liya to wo aapki feeling ko effect karega or indirectly aapke confidence ko effect karega. 

Aapne notice kiya hoga ki India me jab koi baccha exam dene ke liye jata hai ya interview dene ke liye jata hai to hamari mummy hume dahi-chini khilati hai. Aapko jankar hairani hogi ki ye scientifically prove ho chuka hai ki dahi khane se aapka dimag shant hota hai or ek nishchint bhaw ujagar hota hai. To agali bar agar mummy dali khilaye to ek chammach nahi khana , puri katori kha lena. Idea ye hai ki aap balance diet khaye .

2. Prepare And Practice

Practice karna ko koi aur option nahi hai. Aap jis company me interview dene ja rahe hai uske bare me pehle se hi kuch jankari arrange kare. Google pe search kare uske bare me.

Company kitni badi hai ?
Kaha-kaha uske offices hai ?
Unki exact requirement kya hai ?

Agar company ka naam abbreviation me hai jaise HCL , to aapko pata hona chahiye ki uska fullform kya hai. Iske do faide honge ki agar interview me company ke bare me kuch pucha jaye to aapke pas wo jankari pehle se hogo or ye sabit bhi ho jayega ki aapme knowledge bhi hai or company ke bareme serious bhi hai OR agar wo kuch nahi puchte is bare me tab bhi JUST BECAUSE aapko ye sari jakari pata hai, aapke andar ek automatic confident rahega. Iske alawa 90% jo nterview me question puche jate hai wo aap pehle se hi prepare or practice kar sakte hai. Uske liye aapko thoda time dena hoga, thodi mehnat karni hogi. Kai bar log interview dene jate hai or interviewer ne question puchta hai ki ' tell me somthing about yourself '  Log uska bhi jawab nahi de pate. Kyonki wo bilkul bhi prepare nahi karke gaye hote.

3. Dress Well

Kehte hai na ki " First impression is last impression " . Lekin interview me aapki pehla impression hi aapki aakhri impression hoti hai.. Koi aapka to 10 bar interview lega nahi, ek hi bar interview lega to ek interview aapka pehla or akhari change hota hai apni kabiliyat sabit karne ke liye. To ye bahut jaruri hai ki aap acche dekhe. Akar aap accha pehnege , accha dikhenge to aap accha feel karenge. Or jaise maine pehle hi kaha tha ki feelings ka aapke confidence se bahut hi gehra rishta hota hai.

4. Speak only what you know

Utna hi bole jitna aapko pata hai. Sare questions ka answer dene ki koi jarurat nahi hai agar aapko jawab nahi aata to. Koi aapse ye expect nahi karte ki aapko sare question ka answer pata hona chahiye.

5. Be Honest

Aap jo apni CV me likhte hai ya apne bare me bolte hai uske bare me puri tarah imandar rahe kyonki agar aapne kuch galat likha hai or interviewer aapse uske bare me cross question karta hai to aap automatically apna confidence loose kar denge. Kai log apne friend ka CV lekar usay copy paste kar dete hai, sirf apna naam or basic chije change kar dete hai baki 'As IT Is'. Imandar hone ka matlab hai ki aapne jo likha hai wo sahi hai, khud likha hai or even usme jo hobbies likhi hai wo aapki hi hobby hai kisi or ki nahi. Imandari bydefault aapki confidence deti hai.

6. Body Language

Body language aapke bare me aapke shabdo se jyada batati hai. Body language ek bahut hi important pehlu hai interview success ke liye or life success ke liye. Ek positive body language ye batata hai ki aapke andar confidence bharpur hai or aapko khud bhi confidence ki feeling deti hai. Sabse pehle aap interviewer ke aankhon me aankhain dal kar baat kare. Profession look ke sath. Niche nahi dekhna hai , upar nahi dekhna hai , apne nakhun ko nahi dekhna hai .... Look into the eyes of the interviewer ...