Padhai ke liye kaisa ho mahol ?

Padhai ke liye shant or stable mind ke sath hi jaruri hai uchit mahol , taki kisi bhi prakar ka obstacle na ho or bagair kisi rukawat ke behtar padhai ho .
January se march tak tin mahine ka samay exam ki preparation ke lihaj se bahut hi important hota hai . Is douran students apne future ka aim khud likhte hai . Kyonki inhi tin mahino ki preparation par exam me safalta ya asafalta depend karti hai , isliye family ke sabhi members ko chahiye ki ve students ko study ka sahi surrounding de , taki bahari duniya se apna dhyan hatakar usay study par maind concentrate karne me problem na ho  . Magar jyadatar log yah nahi jante ki asal me ek student ko study ke liye kis tarah ka mahol jaruri hai . Small family me to kisi tarah student ke liye alag room ki arrangement ho jati hai , par bade pariwaro me yah possible nahi ho pata . As a result student TV , Music ke shor-sharabe me hi study karne par majbur hote hai . Jab shor ek haad se jyada badh jaye , tab dusri koi shant jagah talashne ke alawa koi rasta nahi rah jata . Is jyadati ke badle exam result acche na aane par student ko hi akele kasurwar nahi thahraya ja sakta . Isliye jaruri hai ki baccho ko unki padhai ke liye sahi watavaran uplabdh karaya jaye .
Aaiye , dekhe ki student ko exam ki tayyari ke liye kaisa mahol chahiye -

Shant - hawadar kamara .

Agar bacche ka kamra alag hai , to is baat ka dhyan rakha jana chahiye ki waha se na to sadak ka shor-sharaba or yatayat se koi badha aaye or na hi khidaki ya chhat se bahar ka najara dikhe , kamre ki banawat aisi ho , taki usme prayapt matra me hawa or roshni aaye . Is baat ka bhi khyal rakhe ki ghar-pariwar ke denik kaamkaaj or gatividhiyo se student ko koi problem na ho or na hi bar-bar bacche ke kamre me jakar koi usay disturb kare .

Biathne ki jagah .

Padhne wale bacche ko hamesha chair me baithkar hi apni padhai karni chahiye . Iske alawa yah bhi jaruri hai ki baithne ki jagah ke samne prayapt prakrutik prakash , hawa etc ki vyawastha ho . Baithne ki jagah fixed honi chahiye . yaha-waha bikhri kitabe , copies ya notes etc student ko har jaruri chij lene ke liye uthne par majbur karte hai or issay uska dhyan bhang hota hai .
Agar ek hi kamre ka upyog do bacche kar rahe ho , tab unki table alag or ek-dusre se dur honi chahiye . Dono tables ke bich itna fasla ho ki ve aapas me ek-dusre ko disturb na kar sake .

Dhyan batane wale anya saman.

Jab baccha kamre me exam ki tayyari kar raha ho , to wah par anya gairjaruri chije , jaise - magazines , news-paper ya TV , radio etc nahi honi chahiye . Issay student ka maan padhai se bhatakta hai . Kamre me course ki books ke siva dusra koi bhi saman na ho , yah sunishchit kare .

Bich-bich me unka dhyan rakhe .

Bacche ki padhai ke bich me uski khair-khabar puchte rahe , uski mehnat ko sarahe , unka self-confidence badhaye , aapka ye behavior bacche ki hosla badhayega .