Kaise kare exam ki tayari ?

Student Life challenges se bhari hoti hai or baat jab exam ki ho to ye challenge thodi or badi ho jati hai. Parents ki expectation or badhta competition baccho par or pressure dalta hai, jissay aksar ve ghabra jate hai. Aise me jaruri hai ki bacche or perents dono hi kuch baato ka khyal rakhe, taki exam time unke liye ek bojh na bankar sakaratmak chunoti ban jaye, jise ve healthy tarike se handle kar sake. to yaha hum exam ki tayyariyo se judi khas baatain batane ja rahe hai, jo parents or baccho ke liye faydemand sabit hogi...

Jald Suruwat Kare

Exams sar par ho, tabhi padhai shuru karenge, to bahut der ho jayegi. behtar hoga ki bahut pahle se niyamit rup se thoda-thoda padha jaye, taki exams ke waqt sirf revise karna pade.

Outline Tayar Kare Or Vyawasthit Bane..

Aapko kis subject ke liye kitna samay dena hai or usme bhi kya-kya aasani se yaad ho jayega or kisme pareshani hogi, yah bhi soch le or ek summary bana le, taki jin subjects me jyada mehnat ki jarurat ho, ua par jyada shyan diya ja sake.

Madad lene se hichke nahi

Agar koi subject aapko samajh me nahi aa raha ya usay yaad karne me pareshani ho rahi hai , to bina der kiye apne teacher, parents ya fir kisi friends me puch le.

Time Table Banaye.

Vyawasthit dhang se padhai karne or subject ko revision karne ke liye time table banana bahut jaruri hai. Pahle kya padhna hai or kitna padhna hai ? kis tarah se subjects ko divide karna hai ? aaram or entertainment ke liye kitna time nikalna hai ? ye tamam baatain time table banane se aasan ho jati hai.

Padhne Ki Jagah Bhi Mayane Rakhti Hai

Padhne ka mahol accha hoga, to padhai acchi hogi. Aap jaha comfortable feel kare, wahi kamra select kare. Sath hi yah bhi tay kare ki kis samay aap jyada dhyan lagakar padh sakte hai ? raat me ya subah-subah. Kuch bacche subah jaldi uthkar padhna pasand karte hai, to kuch der raat tak padhai karte hai. Apni suvidhanusar samay nishchit kar le.

Bharpur Neend Le

Need puri honi behad jaruri hai, warna mastishk ko aaram nahi milega or dhyan lagne or yaad karne ki pareshani aayegi. Health khrab hoga..

Khana Thik se Khaye..

Dar ke mare khana-pina na chod de. Bahut se bacche exam ke doran khana-pina lagbhag chod hi dete hai, jissay unki tabiyat bigad jati hai.

Chote-Chote Notes Banaye..

Yah bahut madad karega yaad rakhne me. Pointa banakar ya chote-chote notes tayar karke subjects yaad kare. Issay jaruri points yaad rahenge. Revision me bhi aasani hogi, kyonki aap gairjaruri chijo ko padhne se bach jayenge, aapko puri text book padhni nahi hogi. , sirf jaruri points par najar dalkar revision kar sakte hai.

Ratna Chod De

Bina subject ko samjhe agar aap ratta marenge, to bahut had tak sambhawana hai ki utni ho jaldi sab bhul bhi jayenge, subject ko samajhkar hi yaad kare. Samajh me na aa raha ho, to teacher se puche or samajhne ki koshish kare.

Maan Shant Rakhe.

Exam ke waqt maan shant rakhe. Agar paper bahut muskil hai , to dhary rakhe. Dhyan se sare sawal padhe, jo aapko aate ho, unhe pahle solve kare or fir bad me muskil sawalo par dhyan de.

Jaldbaji Na Kare

Last minute studies se bache. Agar aapne pure mahine padhai ki hai, to aakhiri do-tin minute me padhne se kya hoga ? Hadbarahat me confusion badhta hai, isliye exam se kuch minute pahle sari kitebe ek taraf rakhkar maan-mastishk ko shant rakhe. Paper agar samay se pahle pura ho jaye, to ek bar wapas sare sawal-jawab dekh le ki kahi jaldbaji me kuch chhut to nahi gaya.

Exam Ke Bad Relax kare.

Agar aapko lag raha hai ki paper utna accha nahi hua, jitna socha tha, tab bhi us par chintan na kare. Issay aage ke subjects par asar padega.

Dar Ko Maan Se Nikal De.

BAhut se students padhne me bahut acche hote hai , lekin unke maan me exam fear hota hai.  Dire-dhire yah dar nafrat me badalne lagti hai , jiska asar padhai or grades par padta hai. Yah dar maan se nikal de, confident rahe or exam se nafrat na kare, usay positive soch ke sath le.

Apna Lakshya Nirdharit kare, khud ko challenge de.

Dhire-dhire aage badhne ki kosis kare. Chote-chote lakshya banaye ki is baar mujhe pichle baar se number jyada lene hai ets.. Khud ko challenge kare ki main yah kar sakta/sakti hu.